"Everton" bosh murabbiyi Ronald Kuman "Barselona" hujumchisi Lionel Messi jarimadan urgan gollari soni bo'yicha o'zi bilan tenglashib olgani haqida fikr bildirdi.
"Barcha davrlarning eng yaxshi futbolchisi bo'lgan Lionel Messi mening rekordimni takrorlagani men uchun ulkan sharaf. Garchi juda ko'p buyuk futbolchilar bilan birga o'ynagan bo'lsamda, bu qadar iqtidorni ko'rmaganman. U daho, 50 yoki 100 yilda bir marta dunyoga keladigan o'yinchi. Ba'zan u bajarayotgan ishlarni oddiy odam uddalay olmaydigandek tuyuladi. U boshqalarning qo'lidan kelmaydigan ishlarni bajarmoqda.
Men uning "Atletik"ka jarimadan urgan golini ko'rdim, bu juda ajoyib. Shuningdek "Vilyarreal"ga urilgani ham. Messi jarima zarbalarini mendan ko'ra yaxshiroq tepadi va men buni tan olishdan uyalmayman. Chunki bu haqiqat. Men oyoq kaftining ichki va ustki tomoni bilan birdek kuchli zarba yo'llar edim. Ammo Leo to'pni aynan o'zi istagan tomonga yo'naltira oladi. Bu juda qadrli.
U masofani his qila oladi va uni boshqara oladi. U juda aqlli futbolchi. U dunyo futboli tarixida jarimadan zarba berish bo'yicha tengsizdir. Qanday qilib bu darajaga erishish mumkin? Bu tug'ma qobiliyat, xuddiki uning oyoqlarida qo'lqop bordek tuyuladi", - deydi Kuman.

— deya xabar beradi uff.uz nashri.