Ispaniya chempionatining 18-turidan o'rin olgan «Sevilya» – «Real» Madrid uchrashuvi yakunlandi. Ushbu bahsda «Sevilya» so'nggi daqiqalarda madridliklardan g'alabani tortib oldi. Uchrashuvning 67–daqiqasida Krishtiano Ronaldu penaltini aniq bajarib, jamoasini oldinga olib chiqdi. 85-daqiqa o'tib borayotgan bir vaqtda «Sevilya» futbolchilari zarima zarbasini amalga oshirdilar, havodan kelgan to'pni Serxio Ramos o'z darvozasiga joylab qo'ydi. Hakam tomonidan qo'shib berilgan daqiqalarda madridliklar xatosidan unumli foydalangan Stevan Yovetich g'alaba to'pini kiritib, «Real»ning 40 ta o'yinlik mag'lubiyatsiz seriyasiga nuqta qo'ydi. Ispaniya chempionati, 18-tur Sevilya – Real Madrid 2:1 Gollar: 0:1 – 67, penalti Ronaldu, 1:1 – 85, avtogol Ramos, 2:1 – 90(+2) Yovetich. Sevilya – Riko, Parexa, Eskudero, Mariano, Rami, Nasri, Iborra (Sarabiya, 77), Vitolo, Nzonzi, Vaskes (Yovetich, 68), Ben-Yedder. Real Madrid – Navas, Varan, Ramos, Nacho, Marselo, Modrich, Kazemiro, Kroos (Kovachich, 75), Karvaxal, Benzema, Ronaldu. Ogohlantirishlar: Iborra (31), Nzonzi (42), Nasri (81), Marselo (84).
— deya xabar beradi uff.uz nashri.