APL: 21-tur hayratlariAngliya premer ligasining 21-tur uchrashuvlari ham bo'lib o'tdi. Unda bir qator markaziy o'yinlarni kuzatdik. Masalan, “Chelsi” safarda g'alaba qozondi. “Arsenal” ham yirik g'alabaga erishdi. “Manchester Yunayted” va “Liverpul” jangovar durang qayd etishdi. Shuningdek, “Tottenxem” ham yirik hisobli g'alabani nishonladi. “Manchester Siti” esa safarda “Everton”dan yirik hisobda mag'lubiyatga uchradi. “Tottenxem”dan yirik g'alaba “Vest Bromvich” jamoasi safarda “Tottenxem” jamoasiga qarshi maydonga tushdi va mag'lubiyatga uchradi. Ushbu o'yinda Harri Keyn o'z hisobiga xet-trik yozdirib qo'ydi. Ushbu natija bilan Pochettino shogirdlari 2-o'ringa chiqib oldi. 14 yanvar. London. "Uayt Xart Leyn" stadioni. 31613 tomoshabin.
Bosh hakam: Entoni Teylor (Manchester).
“Tottenxem” – “Vest Bromvich” - 4:0
Gollar: Keyn, 12 (1:0). Makoli, 26 – o'z darvozasiga (2:0). Keyn, 77 (3:0). Keyn, 82 (4:0). “Arsenal”da ham yirik g'alaba “Arsenal” jamoasi safarda “Suonsi”ga qarshi maydonga tushdi va yirik g'alabani nishonladi. Ushbu o'yinda Jiru va Sanches bittadan gol urgan bo'lsa, yana ikkita gol avtogol sifatida qayd etildi. 14 yanvar. Suonsi. "Liberti" stadioni. 20875 tomoshabin.
Bosh hakam: Maykl Jons (Chester).
“Suonsi” – “Arsenal” - 0:4
Gollar: Jiru, 37 (0:1). Kork, 54 – o'z darvozasiga (0:2). Noton, 67 - o'z darvozasiga (0:3). Sanches, 74 (0:4). “Chelsi”da ham yirik g'alaba “Chelsi” jamoasi safarda “Lester”ga qarshi o'ynadi va Markos Alonsoning xizmatlari evaziga yirik hisobda g'alaba qozondi. Uchinchi golni esa Pedro o'z hisobiga yozdirib qo'ydi. 14 yanvar. Lester. "King Pauer" stadioni. 32066 tomoshabin.
Bosh hakam: Andre Marriner (Birmingem).
“Lester” – “Chelsi” - 0:3
Gollar: Markos Alonso, 6 (0:1). Markos Alonso, 51 (0:2). Pedro, 71 (0:3). “Man.Siti”da yirik mag'lubiyat “Everton” jamoasi o'z maydonida “Manchester Siti” klubiga qarshi maydonga tushdi va yirik hisobda g'alaba qozondi. Mazkur o'yinda Gvardiola shogirdlari mezbonlar qarshisida ojiz qolishdi. 15 yanvar. Liverpul. "Gudison Park" stadioni. 39588 tomoshabin.
Bosh hakam: Mark Klattenburg (Nyukasl-apon-Tayn).
“Everton” – “Manchester Siti” - 4:0
Gollar: Lukaku, 34 (1:0). Miralyas, 47 (2:0). Deyvis, 79 (3:0). Lukman, 90+4 (4:0). “Liverpul”da durang “Liverpul” jamoasi safarda “Manchester Yunayted” klubi mehmoni bo'ldi va qiyin kechgan uchrashuvda durangga erishdi. Milner penaltidan hisobni ochgan bo'lsa, so'nggi daqiqalarda Ibrohimovich kiritgan gol mezbonlarni mag'lubiyatdan qutqarib qoldi. 15 yanvar. Manchester. "Old Trafford" stadioni. 75276 tomoshabin.
Bosh hakam: Maykl Oliver (Nortumberlend).
“Manchester Yunayted” – “Liverpul” - 1:1
Gollar: Milner, 27 - penaltidan (0:1). Ibrohimovich, 84 (1:1). “Stok Siti”da g'alaba “Sanderlend” jamoasi o'z uyida “Stok Siti”ni qabul qildi va mag'lubiyatga uchradi. Arnautovichning dubli va Krauchning goliga qariya Defo bitta gol bilan javob qaytardi xolos. 14 yanvar. Sanderlend. "Stadium of Layt" stadioni. 42722 tomoshabin.
Bosh hakam: Mayk Din (Xesvoll).
“Sanderlend” – “Stok Siti” - 1:3
Gollar: Arnautovich, 15 (0:1). Arnautovich, 22 (0:2). Krauch, 34 (0:3). Defo, 40 (1:3). Qolgan-qutganlar 14 yanvar. Bernli. "Terf Mur" stadioni. 20254 tomoshabin.
Bosh hakam: Pol Tirni (Lankashir).
“Bernli” – “Sautgempton” - 1:0
Gol: Barton, 78 (1:0). 14 yanvar. London. "Olimpiyskiy" stadioni. 56984 tomoshabin.
Bosh hakam: Nil Suorbrik (Lankashir).
“Vest Xem” – “Kristal Pelas” - 3:0
Gollar: Feguli, 68 (1:0). Kerroll, 79 (2:0). Lansini, 86 (3:0). 14 yanvar. Uotford. "Vikarij Roud" stadioni. 20659 tomoshabin.
Bosh hakam: Jonatan Moss (Yorkshir).
“Uotford” – “Midlsbro” - 0:0 14 yanvar. Kingston-apon-Xall. "Key Si" stadioni. 17963 tomoshabin.
Bosh hakam: Martin Atkinson (Lids).
“Xall Siti” – “Bornmut” - 3:1
Gollar: Stanislas, 3 - penaltidan (0:1). Ernandes, 32 (1:1). Ernandes, 50 (2:1). Mings, 62 – o'z darvozasiga (3:1). Tur o'yini, tur futbolchisi, tur ramziy terma jamoasi va boshqa qiziqarli statistikalar bilan ushbu havola orqali tanishib olishingiz mumkin.
— deya xabar beradi uff.uz nashri.