Madridning «Real» klubi hujumchisi Krishtiano Ronaldu Ispaniya chempionatining 18-turida «Sevilya»ga (1:2) qarshi kechgan uchrashuvda penaltidan gol kiritishga muvaffaq bo'ldi va penaltidan unumli foydalanish bo'yicha afsonaviy meksikalik hujumchi Ugo Sanchesning La ligadagi rekordini takrorladi. Ronaldu 2009 yilda «Real»ga kelganidan so'ng Ispaniya chempionatida 63 penaltining 56 tasidan unumli foydalangan. Qolgan musoboqalarni inobatga olak, portugaliyalik hujumchi 70 bor o'n bir metrlik jarima to'pini aniq bajargan. Ispaniya chempionati tarixidagi eng yaxshi penaltichilar beshligi quyidagicha: 1. Krishtiano Ronaldu va Ugo Sanches –  56 tadan;
3. Ronald Kuman – 46;
4. Lyuboslav Penev – 43;
5. Lionel Messi – 42.
— deya xabar beradi uff.uz nashri.