«Bavariya» klubi yarim himoyachisi Aren Robben bugun myunxenliklar jamoasi bilan amaldagi shartnomasini uzaytirdi, deya xabar qilmoqda Sport1 nashri. Manbada xabar qilinishicha, yangi kelishuv 2018 yilning yozigacha mo'ljallangan. 32 yoshli futbolchi shartnomani bir yilga uzaytirishni o'zi xohlagan. Keyinchalik ham har safar shartnomani faqat bir yil muddatga uzaytirishni ko'zlamoqda. Avvalroq «Bavariya»ning yana bir yarim himoyachisi Frank Riberi jamoa bilan shartnomasini 2018 yilga qadar uzaytirgan edi. Bosh murabbiy Karlo Anchelotti jamoa yarim himoyachisi Xabi Alonsoning ham yangi kelishuvga imzo chekishidan umidvor.
— deya xabar beradi uff.uz nashri.