"PSJ" klubi hujumchisi Edinson Kavani Parijda barchasidan mamnunligi va bu erda qolishni istashini aytib o'tdi. – Mening samadorligim yuqori darajada. Lekin bu eng muhimi emas. Meni "PSJ"ning muvaffaqiyatlari qiziqtiradi. Parijda qolishni istayman. Menga bu erda to'p surish yoqadi, men bu shaharni sevaman. Menda klub prezidenti bilan uchrashuv bo'ldi va biz bu masalani hal etamiz degan umiddaman, – deya Kavanining so'zlarini keltiradi Telefoot nashri. Ushbu mavsumda 29 yoshli hujumchi Frantsiya chempionatining 18ta bahsida 18ta gol kiritgan. Uning amaldagi bitimi 2018 yili o'z nihoyasiga etadi.
— deya xabar beradi uff.uz nashri.