Madridning «Real» klubi himoyachisi Rafael Varan La Liga 18-turidan o'rin olgan «Sevilya»ga (1:2) qarshi kechgan uchrashuvdan so'ng o'z fikrlari bilan o'rtoqlashdi. «Albatta, natijadan jahlimiz chiqdi, ammo jamoa juda yaxshi o'yin namoyish etdi va shu sababli mag'lubiyatga uchragan bo'lsakda, boshni tik ko'targan holda maydonni tark etdik. Bosh murabbiy mana shu usulda o'ynashimizni ma'qul ko'rdi, biz bir hafta mobaynida shu o'yin usuli ustida ishladik. Afsus, qoniqarli natijaga erisha olmadik, futbol kichik detallardan tashkil topgan va bundan qochib qutula olmaymiz. Bizning jamoa kuchli xarakterga ega va biz oxirigacha kurashamiz», – deya Varan so'zlarini keltirmoqda «Real» rasmiy sayti.
— deya xabar beradi uff.uz nashri.