«Arsenal» klubi hujumchisi Aleksis Sanches «Barselona»da to'p surgan vaqtida soliq to'lashdan qochganini tan oldi. Bugun Ispaniya prokuraturasi futbolchini videokonferentsiya orqali so'roq qilgan, deya xabar qilmoqda AS nashri. Chililik futbolchi soliqlardan qochish maqsadida Malta va Chilidagi firmalardan foydalangan, u 2012 yilda 587 ming evro va 2013 yilda 395 ming evro miqdoridagi soliqlarni to'lamagan. Sanches bu pullarni allaqachon davlat g'aznasiga topshirgan, ammo yana katta miqdorda jarima to'lashi mumkin. Shuning bilan birga, unga qamoq jazosi belgilanmaydi.
— deya xabar beradi uff.uz nashri.