Ispaniyalik sobiq hakam Iturralde Gonsalesning fikricha, «Real» hujumchisi Krishtiano Ronaldu Ispaniya chempionati 18-turidagi «Sevilya»ga (1:2) qarshi kechgan uchrashuvda maydondan chetlatilishi kerak edi. Hakam tomonidan penalti belgilangandan so'ng «Sevilya» futbolchilari norozilik bildirishdi, yarim himoyachi Vitolo esa 11 metrlik nuqtaga yaqinlashdi va uni tepib o'tib ketdi. Asabiylashgan Ronaldu bunga javob tariqasida to'pni futbolchi tomon uloqtirdi. Gonsalesning aytishicha, reglament bo'yicha Ronaldu agressiv harakati uchun maydondan chetlatilishi, Vitologa esa sariq kartochka ko'rsatilishi kerak edi. Vitolo ataylab Ronalduning asabiga tegish uchun, shunday qilganini o'yindan so'ng tan oldi.
— deya xabar beradi uff.uz nashri.