Bugun jamoamiz Antaliyada o'zining dastlabki o'rtoqlik o'yinini o'tkazdi. Jamoamizga Qozog'istonning "Akjayik" jamoasi sparring raqib vazifasini o'tadi. Yomg'ir ostida kechgan bahsda futbolchilarimiz har tomonlama raqibdan ustunlik qilgan holda yirik g'alabani tantana qilishdi. Birinchi taymning 19-daqiqasida Muhammad Isaev himoyachidan to'pni olib qo'ydi va darvozabon bilan birga-bir vaziyatga chiqdi. U bir urinishda raqib posbonidan ham o'tgan vaziyatda unga nisbatan qo'pollik ishlatildi. Zabihillo O'rinboev bu jarima to'pini darvozaga aniq yo'llab hisobni ochdi. Ikkinchi taymdagi o'zgarishlar o'yin shiddatini yanada oshirdi. 64-daqiqada Alibobo Rahmatullaev uzoq masofadan jamoamizning ikkinchi goli muallifi bo'ldi. Oradan 5 daqiqa o'tib Dilshod Jo'raev hisobni yirik ko'rinishga olib keldi.
Bu uchrashuvda jamoamiz safida yana ikki futbolchi ko'rinish berdi. Ikkinchi taymda xorvatiyalik markaziy yarim himoyachi Yosip Soljich va hujumchi Viktor Klishin hozircha jamoamizda ko'rikdan o'tmoqda.
Darvoqe, bugun jamoamiz a'zosi Vladislav Kasminin o'z tavallud ayyomini nishonlamoqda. Jamoadoshlari bilan birga u o'ziga munosib sovg'a taqdim qildi.  Uchrashuvda jamoamiz quyidagi tarkibda maydonga tushdi. O'rtoqlik uchrashuvi.
17 yanvar. Turkiya, Belek.
"Olmaliq" - "Akjayik" (Qozog'iston) 3:0
Gollar: Zabihillo O'rinboev 19, Alibobo Rahmatullaev 64, Dilshod Jo'raev 69.
"Olmaliq": Akbar To'raev, Xurshid Muxtorov, Shavkat Mullajonov, Vladislav Kasminin, Islom Inomov, Altimurot Annadurdiev, Dilshod Jo'raev, Igor Yelich, Alibobo Rahmatullaev, Muhammad Isaev, Zabihillo O'rinboev.
Zaxiradan maydonga tushganlar: Momchilo Dulovich, Yosip Soljich, Rahmatillo Berdimurodov, Shohnazar Norbekov, Doniyor Usmonov, Abduqahhor Hojiakbarov, Viktor Klishin, G'ulomhaydar G'ulomov, Xurshid Xodjaev, Azizbek Suyunov, Murod Rajabov.
— deya xabar beradi uff.uz nashri.