"So'g'diyona" jamoasi ayni paytda oliy ligada qolish uchun kurashmoqda. Chempionatning 24-turida "Dinamo"ga mag'lub bo'lganidan so'ng, jizzaxliklar o'z imkoniyatlarini yaxshilay olmadi. Xo'sh, klubning elitada qola oladimi? Bunga klubning yosh hujumchisi Islombek Isoqjonov o'z fikrlarini bildirib o'tdi.
- Ishonchimiz bo'lmaganida, bunchalik borimizni berib to'p surmasdik. Nasib qilsa, jamoa elitada qoladi. Hali oldinda oltita o'yin bor. Bu o'yinlar xuddi finaldek bo'lishi aniq. Negaki, keyingi raqiblarimiz anchagina kuchli hisoblanadi. Xususan oldinda turgan uchta raqibimiz ham biz singari oliy ligada joyini saqlab qolish uchun kurashyapti. Ularga qarshi bahslarda qiyinchiliklar bo'lishi tabiiy. Biz shunga yarasha tayyorgarlik va mehnat qilamiz, - deydi Isoqjonov.

— deya xabar beradi uff.uz nashri.