Kecha xabar berib o'tganimizdek, bugun “Qo'qon-1912“ jamoasi navbatdagi o'rtoqlik uchrashuvini o'tkazadi. “Navbahor”ga qarshi bo'ladigan o'rtoqlik o'yini Qibraydagi stadionda bo'ladigan bo'ldi. Uchrashuv soat 15:00da boshlanadi. Eslatib o'tamiz, 3 yanvardan Toshkentda yig'in boshlagan vakillarimiz shu kunga qadar ikkita nazorat o'yinida ishtirok etishdi. 8 yanvar kuni “Paxtakor” (1:2), 14 yanvar kuni “Metallurg” (0:0) jamoalarga qarshi kechgan bahslarning birida mag'lubiyatga uchragan bo'lsak, bitta uchrashuvda hisob ochilmadi. Bugungi bellashuvda futbolchilarimizga omad tilab qolamiz.
— deya xabar beradi uff.uz nashri.