Londonning «Chelsi» klubi bosh murabbiyi Antonio Konte «Real» hujumchisi Alvaro Morataning xizmatlariga qiziqish bildirmoqda, deya xabar qilmoqda Bernabeu Digital nashri. Manbada aytilishicha, italiyalik mutaxassis hujumchini qo'lga kiritish uchun etarlicha mablag'ga ega bo'ladi. Bunga sabab qilib esa Diego Kostaning jamoani tark etishi aytilmoqda. Konte hujumchi Kostaning qiliqlaridan charchagan. O'z o'rnida Morata ham etarli o'yin amaliyotiga ega bo'lish uchun «Chelsi» taklifini rad etmasligi mumkin. Avvalroq, ispaniyalik futbolchi klub bosh murabbiyi Antonio Konte bilan janjallashib qolgani va buning natijasida Kostaning Xitoy klubiga o'tib ketishi mumkinligi xabar qilingan edi. Konte esa hech qanday kelishmovchilik yo'qligi va Diego jarohat sabab alohida shug'ullanayotganini aytgandi.
— deya xabar beradi uff.uz nashri.