«Shanxay SIPG» klubi bosh murabbiyi Andre Villash-Boash Xitoy chempionatida legionerlarga qo'yilgan cheklovga nisbatan o'z noroziligini bildirdi. «Bu qaror mavsum tugagandan so'ng joriy qilinishi kerak edi. Bunday jiddiy o'zgarish yangi mavsum boshlanishiga bir oy qolganida chiqarilishi noto'g'ri. Ko'plab klublar o'z rejalarini avvalgi qoidalarga qarab tuzgandilar, endi esa har bir jamoa noqulay axvolga tushib qoldi. Ha bilaman, Xitoy futbol assotsiatsiyasi bu ishni mahalliy yosh futbolchilarni saviyasini ko'tarish maqsadida qildi, ammo bu o'z navbatida ularning ham narxi oshib ketishiga olib keladi. Ularning transfer bozoridagi narxlari ko'pik kabi ko'tarilib ketadi. Yosh o'yinchilarni tayyorlash qimmatga tushadi. Ular katta bosim ostida o'ynashlariga to'g'ri keladi, bu esa ularga foyda keltirmaydi», – deydi Villash-Boash
— deya xabar beradi uff.uz nashri.