2017 yilda bir qator hamyurtlarimiz Osiyo qit'asi jamoalariga o'tib ketishdi. Shu bois biz sizning e'tiboringizga Osiyo jamoalariga yo'l olgan o'zbekistonlik futbolchilar o'nligini taqdim etamiz. Guseynov "Andijon" bilan O'zbekiston Birinchi ligasida o'ynashdan ko'ra Tailandning "Chainat Xonbill" klubi safida Tailand Birinchi ligasida o'ynashni afzal bildi. O'tgan mavsumda ushbu jamoa quyi ligaga tushib ketgan edi. Javlon Tailand chempionatida to'p suradigan ikkinchi o'zbekistonlik futbolchiga aylanadi. Futbolchi frantsiyalik Floran Sinama Panol, braziliyalik Reys, Renan Silva, Uesli Aleks va yaponiyalik Kazuto Kushida kabi legionerlar bilan birgalikda "Chainat Xonbill" sharafini himoya qiladi. Toshkentning "Obod" jamoasi hujumchisi Azizov faoliyatini Qirg'iziston chempionatida davom ettirishni ma'qul ko'rdi. Alisher "Dordoy" bilan bir yillik shartnomaga imzo chekdi. "Paxtakor" tarkibidagi o'yinlari bilan tanilgan 26 yoshli hujumchi Oliy ligada umumiy hisobda 6 ta gol urgan. Akbarov 2016 yilni "Andijon" tarkibida o'tkazib 24 ta uchrashuvda maydonga tushdi. Andijonliklarning Oliy ligadan tushib ketganidan so'ng, jamoa etakchilari o'zlariga yangi klub qidira boshlashdi. Futbolchi yangi mavsumni Malayziya chempionatida davom ettiradigan bo'ldi. O'tgan mavsumda chempionatda 5-o'rinni egallagan "Kuala Lumpur" klubi Bobur bilan bir yillik shartnoma imzoladi. 27 yoshli futbolchi Malayziyada o'zini qay darajada ko'rsata olishini vaqt ko'rsatadi. Tojievlarning kenjasi 1 yillik tanaffusdan so'ng yana Malayziya chempionatiga qaytishga qaror qildi. Farxod 2016 yilning birinchi davrasini "Olmaliq" safida o'tkazib, keyinchalik erkin agentga aylangandi. Tojiev 2015 yilda ham ushbu jamoa safida to'p surgan edi. O'shanda hujumchi jamoa libosida 13 o'yinda 14 ta golni o'z nomiga yozdirib qo'ygan. Davomi Furqat Yusupov blogida.
— deya xabar beradi uff.uz nashri.