«Chelsi» hujumchisi Diego Kosta umumiy mashg'ulotlaga qaytishdan oldin 185 ming funt miqdorida jarimaga tortilgan, deya xabar qilmoqda The Sun nashri. Futbolchi ikki kun alohida shug'ullangan va kecha asosiy tarkib mashg'ulotlariga qaytgan edi. Tibbiy xulosalardan so'ng jamoa bosh murabbiyi Antonio Konte uni umumiy guruh mashg'ulotlariga qo'ygandi. Avvalroq, ispaniyalik futbolchi klub bosh murabbiyi Antonio Konte bilan janjallashib qolgani va buning natijasida Kostaning Xitoy klubiga o'tib ketishi mumkinligi xabar qilingan edi. Konte esa hech qanday kelishmovchilik yo'qligi va Diego jarohat sabab alohida shug'ullanayotganini aytgandi.
— deya xabar beradi uff.uz nashri.