Irlandiya terma jamoasining sobiq hujumchisi Robbi Kin Angliyaga qaytishi mumkin. Futbolchi hozirda MLSda «Los-Andjeles Gelaksi» sharafini himoya qilmoqda. 36 yoshli hujumchisi Tumanli Albiondan tushgan takliflarni ko'rib chiqmoqda. «Yaqin haftalar ichida hammasi hal bo'ladi. Menga Angliya va boshqa chempionatlardan bir nechta taklif tushdi. Uzoq joylardan kelgan takliflarga rad javobini berdim. Ko'pchilik mendan «Lids» yoki «Vulverxempton»dan qaysi biriga o'tishimni so'ramoqda. Ammo, qanday qilib ularga o'tishim mumkin, menga bu klublardan taklif tushmadi.   Ha, menda Chempionship klublaridan bir nechta takliflar bor, biroq hozir ularning nomlarini oshkor qilmayman», — deya Kin so'zlarini keltirmoqda Goal nashri.
— deya xabar beradi uff.uz nashri.