«Xebey Chayna Forchun» klubi «Vest Xem Yunayted» yarim himoyachisi Dimitri Payetni sotib olmoqchi. France Football nashrining xabar qilishicha, Xitoy klubi frantsiyalik futbolchiga haftasiga 600 ming evro maosh to'lashga tayyor, ammo Payet bu taklifni rad etishi kutilmoqda. Avvalroq, 29 yoshli futbolchining «Vest Xem»da o'ynash niyati yo'qligi va jamoadan ketishni istayotgani to'g'risida xabar tarqalgandi. Ammo, jamoa uni qo'yib yuborgisi kelmayapti. Dimitri A Bola nashriga bergan intervyusida: klub uni qo'yib yubormasa, o'ziga ataylab jarohat etkazishga tayyorligini aytgan.
— deya xabar beradi uff.uz nashri.