«Chelsi» klubi hujumchi Diego Kostaning jarimaga tortilgani haqidagi xabarlarni rad etdi. Avvalroq, The Sun nashri hujumchining 185 ming funt miqdorida jarimaga tortilganini xabar qilgandi. «Bizda jarohat olgan futbolchilar jarimaga tortilmaydi», — deya xabarga javob qaytargan klub xodimlaridan biri. Futbolchi ikki kun alohida shug'ullangan va 17 yanvarda asosiy tarkib mashg'ulotlariga qaytgan edi. Tibbiy xulosalardan so'ng jamoa bosh murabbiyi Antonio Konte uni umumiy guruh mashg'ulotlariga qo'ygandi. Avvalroq, ispaniyalik futbolchi klub bosh murabbiyi Antonio Konte bilan janjallashib qolgani va buning natijasida Kostaning Xitoy klubiga o'tib ketishi mumkinligi xabar qilingan edi. Konte esa hech qanday kelishmovchilik yo'qligi va Diego jarohat sabab alohida shug'ullanayotganini aytgandi.
— deya xabar beradi uff.uz nashri.