Dortmundning “Borussiya” klubi hujumchisi Per-Emerik Obameyang hamon “Barselona” jamoasi rahbariyatining qiziqishlari doirasida bo'lib turibdi. Bild nashrining ma'lumotiga ko'ra, Kataloniya klubining halqaro transfelar bo'yicha sport direktori Aredo Brayda dortmundliklarning “Verder”ga (3:1) qarshi o'yinida 26 yoshli gabonlik futbolchini kuzatib borgan. “Borussiya” direktori Xans-Yoaxim Vattske “Barselona” tomonidan qiziqishga shunday izoh berdi: “Brayda stadionda bo'lganmi yoki yo'qmi, menga farqi yo'q. Obameyangning biz bilan shartnomasi qachon tugashidan xabaringiz bor”. Aytish joizki, hujumchining “Borussiya” bilan bitimi 2020 yilning yoziga tugaydi. Joriy mavsumda Obameyang Germaniya chempionatining 11ta o'yinida 13ta gol hamda 3ta golli uzatmaga mualliflik qilgan.
— deya xabar beradi uff.uz nashri.