Londonning "Arsenal" klubi himoyachisi va sardori Per Mertezaker jamoadan kamida yana bir yil davomida qoladigan bo'ldi. "Arsenal" bosh murabbiyi Arsen Venger matbuot anjumanida 32 yoshli futbolchi bilan yana bir yillik shartnoma imzolanganini ma'lum qildi.
"Shartnomada muddatni bir yilga uzaytirish bo'yicha band bor edi va biz bundan foydalandik. Hech qanday muzokara bo'lgani yo'q. Per mashg'ulotga qaytdi, ammo hozircha umumiy guruhda emas.
O'yinlar sonidan kelib chiqib aytadigan bo'lsak, jamoa tarkibida himoyada ishonchli o'yin ko'rsatadigan tajribali futbolchi bo'lishi yaxshi holat. Hozir "Arsenal" nimalarga qodirligini isbotlaydigan davrni boshidan kechirmoqda", - deydi Venger.
Eslatib o'tamiz, Mertezaker joriy mavsum birorta o'yinda maydonga tushmadi. Himoyachi 2016 yilning iyulida jarohat olgan edi.
— deya xabar beradi uff.uz nashri.