Madridning «Real» klubi hali ham «Milan» darvozaboni Janluiji Donnarummani qo'lga kiritish fikridan qaytmadi, deya xabar qilmoqda Tuttosport nashri. Madridliklar 17 yoshli darvozabonni anchadan beri kuzatmoqdalar, yozda esa taklif bilan chiqadilar. «Real» prezidenti  Florentino Peres italiyalik iqtidorni qo'lga kiritishda qolgan raqobatchilarni ortda qoldirish niyatida. «Real»dan tashqari Donnarummaga «Yuventus» klubi ham qiziqmoqda, turinliklar uni Buffonning o'rinbosari sifatida ko'rmoqdalar. Shuni ham ta'kidlash joizki, futbolchining agenti Mino Rayola Janluijining «Milan» klubi bilan shartnomasini uzaytirishini to'xtatib turibdi.
— deya xabar beradi uff.uz nashri.