Qadrli futbol ishqibozlari «InterFUTBOL» gazetasining payshanba sonida bir-biridan qiziqarli maqolalarni mutolaa qilishingiz mumkin. Eksklyuziv materiallar, tahlil va suhbatlar  ham sizni befarq qoldirmaydi degan umiddamiz. Demak, gazetamizning 6-sonida nimalarni o'qish mumkin? O'ttiz ikkilik Jahon chempionatida ishtirok etadigan jamoalar soni oshirildi. Bu endi amalga oshib bo'lgan fakt. Qandaydir voqealar bo'lib ketib, FIFA rahbariyati yana o'zgarmasa, 2026 yilgi jahon chemponatida 48ta jamoa ishtirok etishi lozim. Hozir bu yaxshimi yoki yomon, ko'p bosh qotirmoqchi emasmiz. Hammasi FIFA rahbariyatining vijdoniga havola. Tashkilot prezidenti Janni Infantinoning aytishicha, Evropa chempionatida ishtirokchilar soni oshirilgandan so'ng musobaqa qiziqarliroq o'ta boshlagan ekan. Bu gapni shunchaki ma'lumot o'rnida keltirib o'tdik. U qay darajada mantiqqa to'g'ri kelishiga baho berish esa, o'zingizga havola. Bizning aytmoqchi bo'lganlarimiz boshqa. Temurxo'ja ABDUXOLIQOV:  «Qatar klubiga o'tib, katta tavakkal qildim» Qatar chempionatida o'ynaydigan futbolchilarimiz soni to'rt nafarga etdi. Sardor Rashidov va Sanjar Tursunovdan so'ng «Lokomotiv»ning ikki etakchisi ham ushbu mamlakat jamoasi bilan shartnoma imzolashdi. Avvaliga O'zbekiston chempionatining 2016 yilgi to'purari Temurxo'ja Abduxoliqov, keyin esa o'tgan mavsum kashfiyotlaridan biri Sanjar Shoahmedov «Al-Sayliya» klubi bilan kelishuvga erishdilar. Ushbu jamoa 20 yanvar kuni Qatar yulduzlar ligasi doirasida o'z uyida «Umm-Salal»ni qabul qiladi. Shu munosabat bilan milliy jamoamizdan chaqiruv olgan Temurxo'ja terma o'yinlarida qatnashmaydigan bo'ldi. Biz navbatdagi mashg'ulotlardan so'ng Abduxoliqovdan intervyu oldik. Jeparov «Istiqlol» muxlislarini xursand qilmoqchi O'zbekiston milliy termasi yarim himoyachisi, bir necha kun avval «Istiqlol» (Eron) a'zosiga aylangan Server Jeparov yangi jamoaga o'tishi, klubning istiqboli, bo'lajak raqiblari, «Ozodi» stadioni, OChLdagi imkoniyatlar haqidagi fikrlari bilan o'rtoqlashdi. Sanjar ShOAHMEDOV:  «Lokomotiv» aslo kuchsizlanib qolgani yo'q» O'tgan yili Toshkent «temiryo'lchilari» g'alabalariga munosib hissa qo'shgan Sanjar Shoahmedov ham keyingi faoliyatini Qatarning «Al-Sayliya» klubida davom ettiradigan bo'ldi. Mahoratli futbolchi «Lokomotiv» matbuot xizmatiga bergan intervyusida o'z fikrlarini bildirib o'tdi. Mavsum taraddudi Xitoyga ketadigan bormi? Xitoyliklar RFPLda to'p surayotgan top darajadagi ikki legioner - Xalk va Vitselni olib ketishdi. Smolovni esa yo'ldan ozdira bilmadilar. Shunga qaramay, hamon Rossiya chempionatida faoliyat yuritayotgan aksariyat futbolchilarga qiziqish bildirishda davom etishmoqda. E'tiborlisi, ular orasida o'zbekistonlik futbolchilar ham bor. Bombardir.ru yaqin orada Chin yurtiga ko'chib o'tishi mumkin bo'lgan o'yinchilardan iborat ro'yxat tuzdi. Ikkitasi birda: Evolyutsiya va Osiyodan ishtiyoq FIFA rasmiy «Tvitter»i 10 yanvar sanasida 2026 yilda bo'lib o'tadigan jahon chempionatida 48ta jamoa ishtirok etishini ma'lum qildi. Ushbu voqea tufayli mundial ishtirokchilari soni oshirilgan jahon chempionatlarini yodga olamiz. Alisher AZIZOV:  «Maqsadim – «Dordoy» orqali terma jamoadan chaqiruv olish» «Paxtakor» jamoasidagi bir necha yillik ishtiroki bilan muxlislar nazariga tushgan hujumkor yarim himoyachi Alisher Azizov ham legionerga aylandi. U kuni kecha Qirg'izistonning bir necha karra chempioni - «Dordoy» klubi bilan shartnoma imzoladi. Ikki tomon o'rtasidagi kelishuv bir yilga mo'ljallangan. Agar hammasi ijobiy davom etsa, bitim muddatini uzaytirish ham mumkin. So'nggi ikki mavsumni «Obod»da o'tkazgan futbolchi o'z gollari bilan klubning oliy ligaga chiqishiga katta hissa qo'shgandi. Azizov 2015 yilda O'zbekiston birinchi ligasi to'purariga aylangandi. Hozirda yarim himoyachi yangi jamoasi bilan Turkiya yig'inida ishtirok etyapti. Biz Alisher Azizov bilan bog'lanib, undan intervyu oldik. Aniqlikka intilib… «InterFutbol» gazetasining 2017 yil 3 yanvarda chop etilgan ruscha sonida «Gennadiy Krasnitskiy nomidagi O'zbekiston to'purarlari klubi» nomli maqola muallifi (O. Tursunxodjaev) klub a'zolarining soni va gollar haqida ma'lumot so'ragan edi. Aniqrog'i, mazkur maqolada juda qiziqarli savol qo'yilgan: deylik, Odil Ahmedovning «Krasnodar»dagi yoki Sardor Rashidovning Qatar chempionatidagi gollari to'purarlar klubida inobatga olinadimi? O'ylashimcha, mazkur savolga javob izlab, yaqin tarixga nazar solsak, chakki bo'lmaydi. «Sevilya»dagi «Korrida»da «Real» to'xtatildi «uik-end»ning muhim voQealari «Everton» «Manchester Siti» darvozasiga to'rtta to'p yo'lladi, «Sevilya» «Real»ni mag'lubiyatga uchratdi. O'tgan dam olish kunlari ro'y bergan shu va boshqa muhim voqealarga nazar tashlaymiz. Piter Krauch: «Futbolda men kabilarga hamisha joy topiladi» «Stok Siti» hujumchisi Piter Krauch yaqinda The Telegraph nashriga intervyu berdi. Suhbat chog'ida u keyingi maqsadlari haqida gapirib o'tdi. Pul ketsa, ketsin… Xalk va Pogbaning xaridi uchun sarflangan yirik mablag'lar, APLning transfer bozorida o'rnatgan rekordi, Ronalduning havas qilsa arziydigan daromadi, evrokuboklarning sovrin jamg'armasi... Championat.com taqdim etgan navbatdagi ma'lumotlar 2016 yilgi eng yirik moliyaviy sarflar bilan bog'liq raqamlarga bag'ishlandi. Sharmandali avtogollar Gazeta anonsning qolgan qismini www.interfutbol.uz saytida o'qishingiz mumkin
— deya xabar beradi uff.uz nashri.