BAAdagi nazorat uchrashuvida jamoamiz Xitoyning "Chanchun Yatay" klubini mag'lubiyatga uchratdi.   Abu Dabida bo'lib o'tgan bellashuvda 18-daqiqaga kelib o'yin taqdiri amalda hal bo'ldi. Sergeev, Masharipov va Karimov tomonidan kiritilgan to'plar "Paxtakor"ning yirik hisobda oldinga o'tib olishini ta'minladi. Tanaffusdan so'ng raqib hisobni qisqartirdi. Bunga Sergeev yana goli bilan javob qaytardi. Shundan keyin yosh futbolchilar maydonga tushirildi. BAA yig'inidagi birinchi nazorat bahsida "Paxtakor" 4:1 hisobida zafar quchdi.   8 nafar futbolchimiz - Lobanov, Hoshimov, Andreev, Azim Ahmedov, Sohibov, Iskanderov, Masharipov va Sergeev indindan terma jamoa yig'iniga yo'l olishadi. Keyingi nazorat uchrashuvi 25 yanvar kuni "Krasnodar"ga qarshi o'tkaziladi.   "Paxtakor" - "Chanchun Yatay" - 4:1 (3:0) Gollar: Sergeev 7, 54, Masharipov 14, Karimov 18. "Paxtakor": Lobanov (Ergashev, 66), Andreev (Alijonov, 66), Oraxovats (G.Ahmedov, 82), Bulyat (Ismatullaev, 46), Hoshimov (Avilov, 66), A.Ahmedov (O'runov, 70), Sohibov (Ibrohimov, 66; Davlatjonov, 82), Masharipov (Nurullaev, 70; Mahmudhojiev, 82), Iskanderov (Tolipov, 66), Karimov (Kozak, 46), Sergeev (Hakimov, 66).
— deya xabar beradi uff.uz nashri.