«Barselona» klubi hujumchisi Lionel Messi kataloniyaliklar jamoasi bilan yangi shartnoma imzolaganidan so'ng, dunyoning eng ko'p maosh oluvchi futbolchisiga aylanadi, deya xabar qilmoqda Sport.es sayti. Manbada aytilishicha, 29 yoshli futbolchi kataloniyaliklar taklif qilgan shartnomadan ko'ngli to'lgan. Ushbu kelishuv so'ng Messi «Barselona» bilan faoliyatining oxirigacha bog'lanadi va dunyoning eng ko'p maosh oluvchi futbolchisiga aylanadi. Hozirgi kunda eng ko'p maosh oluvchi futbolchi, yaqinda «Boka Xuniors» klubidan «Shanxay Shenxua»ga o'tgan Karlos Teves hisoblanadi. Messining terma jamoadagi sherigi Xitoyda haftasiga 615 ming funt topadi. Avvalroq Xosep Mariya Bartomeu Messining «Barselona»da qolishini ishonch bilan aytgandi. U shaxsan o'zi futbolchi bilan muzokora olib borishini ta'kidlagan. Argentinalik futbolchining jamoa bilan amaldagi shartnomasi 2018 yilning yoziga qadar mo'ljallangan.
— deya xabar beradi uff.uz nashri.