«Barselona» klubi yarim himoyachisi Serxio Buskets jamoasi yarim final masalasini hal qilmaganini aytib o'tdi. Birinchi uchrashuvda kataloniyaliklar safarda «Real Sosedad»ni minimal hisobda egdilar. «Bu natija javob bahsida bizga ustunlik beradi, biroq «Barselona» yarim final masalasini hal qilganicha yo'q. Raqib juda kuchli o'yin namoyish etmoqda. Darvozamiz daxlsizligini saqlab qolganimiz yaxshi bo'ldi. G'alabaga erishish oson bo'lmadi, jamoa buning uchun borini berdi», — deydi Buskets. Ushbu jamoalarning javob uchrashuvi 26 yanvar kuni «Kamp Nou»da bo'lib o'tadi.
— deya xabar beradi uff.uz nashri.