«Ayaks» hujumchisi Kasper Dolberg o'z faoliyatini Germaniyada davom ettirishi mumkin, deya xabar qilmoqda Bild nashri. 19 yoshli futbolchning xizmatlariga Dortmundning «Borussiya» klubi qiziqmoqda. Manbada aytilishicha, dortmundliklar Adrian Ramos va Per-Emerik Obameyyangga o'rinbosar qidirmoqdalar. Ramos Xitoyga ketib qolishi mumkin, Obameyyang esa Gabon safida AMKda ishtrok etmoqda. Nemis OAVning yozishicha, «Borussiya» Dolberg uchun 20 mln evrodan voz kechishga tayyor. Ushbu mavsum Daniya terma jamoasi vakili «Ayaks»ning 28 ta rasmiy uchrashuvida maydonga tushib, 11 gol va 4 ta golli uzatmaga mualliflik qilgan.
— deya xabar beradi uff.uz nashri.