Andijon olimpiya zahiralari kollejida viloyatdagi sportchi yoshlarning Rio-2016 olimpiada o'yinlari chempionlari bilan - “Men ham olimpiya chempioni bo'laman!” deb nomlangan  uchrashuvi bo'lib o'tdi.
Viloyat huquq-tartibot idorlari tomonidan tashkil qilingan tadbirda olimpiya chempionlari - Xasanboy Do'stmatov, Bektemir Meliqo'ziev, Muhammadqodir Abdullaev, Murodjon Ahmadaliev paralimpiyada bahslari qahramonlari -
Firdavs Musabekov,  Muzaffar Tursunho'jaev, Muslima Odilova hamda ularning ustozlari ishtirok etdilar.  
Noan'anaviy, ochiq muloqot tarzida o'tkazilgan uchrashuvda olimpiyachilarimiz kelajakda yuqori cho'qqilarni egallashni orzu qilgan sportchilarning turli mavzudagi savollariga javob berdilar.
Boks bo'yicha olimpiya chempioni Muhammadqodir Abdullaevning:  
“Olimpiada chempioni bo'lish uchun nima qilish kerak?” degan savolga “Avvalo, Vatanni sevish kerak!” deya qaytargan javobi gulduros qarsaklarga sabab bo'ldi. Uchrashuv davomida andijonlik yosh san'at ustalari tomonidan kontsert dasturi ham namyish etildi. Elmurod Ermatov. Andijon
   
— deya xabar beradi uff.uz nashri.