«Chelsi» klubi bosh murabbiyi Antonio Konte APL keyingi turi doirasida «Xall Siti»ga qarshi o'yinda hujumichi Diego Kostaning maydonga tushishi mumkinligini aytib o'tdi. Rasmiy ma'lumotlarga ko'ra, Kosta o'tgan turdagi «Lester Siti»ga (3:0) qarshi o'yinni jarohat tufayli o'tkazib yuborgan, ammo ingliz OAV xabarlarida Kosta bosh murabbiy Konte bilan janjal sabab o'yinni o'tkazib yuborgani aytilgan edi. «O'ylaymanki, jamoadagi barcha futbolchilar «Chelsi»da o'ynashni istaydilar. Diego bizning jamoada baxtli. Xitoyga ketish niyatidan uzoqda. «Lester»ga qarshi o'yindan so'ng uning jarohati to'g'risida rostini aytdim va yana qaytarishga tayyorman. U biz bilan ushbu hafta mashg'ulot o'tadi va «Xall Siti»ga qarshi o'yinda maydonga tushishga tayyor», — deydi Konte.
— deya xabar beradi uff.uz nashri.