"Manchester Siti" bosh murabbiyi Xosep Gvardiola Angliya chempionatida olib borayotgan ishi haqida fikr bildirdi.
"Balki men "Manchester Siti" uchun etarlicha yaxshi murabbiy emasdirman. Jamoada ajoyib futbolchilar jamlangan, ular buni joriy va o'tgan mavsumlarda isbotlab bo'lishdi. Men ularni hurmat qilaman va qanday qilib ular yaxshi emas, deb ayta olaman? Men o'z futbolchilarimga nisbatan hurmatsizlik qilmayman, ular mening uslubimga mos kelmasligi haqidagi gap so'zlarga e'tibor qilmayman.
Balki mening Angliyada ish boshlashimdan haddan ortiq narsa kutgandirlar. Endi siz (jurnalistlar) mavsum boshidagi omadli o'yinimizdan so'ng men haqimda qay darajada oshirib yozganingizni tushunib turibsiz.
Hozir jamoani qayta shakllantirishimiz lozim va shuning ustida ishlamoqdamiz. Agar jamoaga mos kelmasam, buni o'zim birinchi bo'lib tushunib etaman va barchasini klub bilan muhokama qilib olamiz", - deydi Gvardiola.
— deya xabar beradi uff.uz nashri.