"Manchester Siti" bosh murabbiyi Xosep Gvardiola jamoa hujumchisi Serxio Aguero bilan yangi shartnoma imzolanganini xabar qildi.
"Aguero "Manchester Siti" bilan yangi shartnoma imzolab bo'ldi. U o'zi istagan vaqtga qadar klubda qolishi mumkin.
U bizning eng yaxshi hujumchimiz va unga juda muhtojmiz. Serxio qachon jamoadan ketishini men emas, uning o'zi hal qiladi", - deydi Gvardiola.
Yangi shartnomaga ko'ra Aguero "Manchester Siti"da 2020 yilga qadar qolishi mumkin. Uning avvalgi shartnomasi 2019 yilga qadar davom etishi ko'zlangan edi.
Hujumchi joriy mavsum Angliya chempionatida 15 ta uchrashuvda 11 ta gol kiritgan.
— deya xabar beradi uff.uz nashri.