"Barselona" jamoasini shu paytga qadar 39 ta prezident boshqargan. Biz klub tarixidagi eng yaxshi prezidentlar beshligini tuzib chiqdik.
5. Agusti Montal Galobart.
Jamoani boshqargan vaqti: 1946-1952
Yutuqlari: Ispaniya chempioni (3), Ispaniya kubogi (2)
Gabortal ikkinchi jahon urushidan so'ng "Barselona"ni Ispaniyadagi eng kuchli jamoaga aylantirdi. Uning prezidentlik davrida Kataloniyaliklar 6 yil ichida 3 marta Ispaniya chempioni bo'lishdi. Shuningdek klub ikki bora kubok sohibiga aylandi. Bungacha "Barsa" atigi ikki marta La liga chempioni bo'lgan edi. Agusti esa qisqa vaqtda jamoa muzeyiga yana 3 ta chempionlik medallarini olib keldi.
4. Xosep Bartemeu
Jamoani boshqargan vaqti: 2014-...
Yutuqlari: Ispaniya chempioni (2), Ispaniya kubogi (2), Chempionlar ligasi (1), UEFA superkubogi (1), Klublar o'rtasidagi jahon chempioni (1)
Bartemeu jamoa boshqaruviga kelganidan so'ng "Barsa" chempionat va kubokda g'oliblikni begona qilmadi. Jamoa 2015 yili Chempionlar ligasida zafar quchdi. Xosep ushbu reytingda hali yanada yuqoriga ko'tarilish imkoniyatiga ega.
3. Sandro Rossel
Jamoani boshqargan vaqti: 2010-2014
Yutuqlari: Ispaniya chempioni (2), Ispaniya kubogi (1), Ispaniya superkubogi (2), Chempionlar ligasi (1), UEFA superkubogi (1), Klublar o'rtasidagi jahon chempioni (1)
Rosselning natijalari ham Bartameuniki bilan deyarli bir hil. Sandro davrida klub ikki marta superkubokda g'olib chiqqanini alohida ta'kidlash mumkin. Rosselga Neymarni sotib olish qimmatga tushdi. Soliqlar bilan bog'liq muammolar tufayli u o'z vazifasini tark etishiga to'g'ri keldi. Biroq bu unga klub tarixidagi eng yaxshi prezidentlar uchligiga kirishiga to'sqinlik qilmaydi. Davomi >>
— deya xabar beradi uff.uz nashri.