"Manchester Yunayted" bosh murabbiyi Joze Mourino jamoa darvozabonlaridan hech biri bilan hayrlashishni istamasligini bildirdi. Ayni vaqtda David De Xea asosiy darvozabon hisoblansa, Serxio Romero zaxira posboni bo'lib turibdi. Unga "Boka Xuniors"dan qiziqish mavjud.
"Men faqat shuni aytishim mumkinki, har ikki darvozabon ham qolishiga umid qilmoqdaman. Chunki har ikkisi ham birdek muhim ahamiyatga ega.
Daviddan yaxshiroq darvozabon yo'q va zaxira uchun Serxioga etadigani topilmaydi. U kabi professional boshqa yo'q. Ularning ikkisi ham jamoada qolishini istayman.
"Boka" tomonidan qiziqish borligi haqida ma'lumot mavjud. Ammo men bunga xalal berishga urinib ko'raman, chunki Serxio qolishini istayman", - deydi Mourino.
— deya xabar beradi uff.uz nashri.