Angliya chempionati 22-turidan o'rin olgan «Manchester Siti» – «Tottenxem» uchrashuvi o'z nihoyasiga etdi. Turning markaziy uchrashuvida tomonlar murosa yo'lini tanladilar. Uchrashuvning birinchi bo'limida vaziyatlar bo'lishiga qaramay jamoalar gol kirita olmadilar. Ikkinchi bo'lim debyutida Leroy Sane «shaharliklar»ni oldinga olib chiqqan bo'lsa, 54-daqiqada Kevin de Bryuyne raqib darvozaboni xatosidan foydalanib, hisobni 2:0 ko'rinishiga keltirdi. Shundan so'ng «Tottenxem» futbolchilari vaziyatni o'nglash uchun oldinga o'tdilar va oradan to'rt daqiqa o'tib Dele Alli hisobni qisqartirdi. Uchrashuvning 78-daqiqasida «taqachilar» qarshi hujumdan unumli foydalandilar, chiroyli tashkil etilgan kombinatsiyani Son Xyon Min yakunlab qo'ydi. Shu tariqa hisob o'yin so'nggi qadar o'zgarmadi. Angliya chempionati 22-tur Manchester Siti – Tottenxem 2:2 (0:0, 2:2) Gollar: 1:0 – 49 Sane, 2:0 – 54 de Bryuyne, 2:1 – 58 Alli, 2:2 – 77 Son Xyon Min. Manchester Siti – Bravo, Otamendi, Klishi (Stounz, 84), Sabaleta, Kolarov, Silva (Delf, 90), Ture, de Bryuyne, Sterling (Gabriel Jezus, 82), Sane, Aguero. Tottenxem – Loris, Vimmer (Son Xyon Min, 46), Rouz, Uoker, Alderveyreld (Uinks, 65), Dembele (Sissoko, 78), Dayer, Eriksen, Vanyama, Alli, Keyn. Ogohlantirishlar: Vimmer (12), Dayer (13), Kolarov (45), Alli (51), Otamendi (52), Vanyama (87).
— deya xabar beradi uff.uz nashri.