Xabar berganimizdek, bugun jamoamiz Novosibirskning "Sibir" jamoasi bilan o'rtoqlik uchrashuvi o'tkazdi.
Qiziqarli kechgan bahsda jamoamiz futbolchilari g'alaba nashidasini surishdi. Bu gal ham raqib darvozasiga javobsiz uchta to'p yo'llandi. Bevosita o'yinga to'xtaladigan bo'lsak, o'yinning dastlabki 25 daqiqasida raqib faolroq ko'rindi. Sekin-asta vaziyatni tenglashtirgan jamoamiz a'zolari birinchi taymning so'nggi 5 daqiqasida ikki gol urishga erishishdi. Dastlab 42-daqiqada Akbar To'raev kuchli zarba bilan to'pni raqib tomon tepdi. Himoyachilardan ildamroq harakat qilgan Altimurot Annadurdiev bir harakat bilan to'pga yugurib chiqqan raqib posbonini ham aldab o'tdi va to'pni bo'sh qolgan darvozaga yo'lladi. Oradan ko'p o'tmay o'ng qanotdan Alibobo Rahmatullaev oshirib bergan to'pni Dilshod Jo'raev bir zarbada darvoza to'riga joylab qo'ydi.
Ikkinchi taymdagi o'zgarishlar jamoamiz o'yinini yanada kuchaytirdi. 55-daqiqada Dilshod Jo'raev to'pni oldingi chiziqqa etkazib berdi. Bu vaziyatda raqib himoyachilari sun'iy o'yindan tashqari holatni vujudga keltirishda xatolikka yo'l qo'yishdi. Natijada Alibobo darvozabon bilan birga-bir vaziyatga chiqdi. U ham posbonni aldab o'tdi va bo'sh qolgan darvozani ishg'ol etdi.
Uchrashuvda jamoamiz quyidagi tarkibda maydonga tushdi.
O'rtoqlik uchrashuvi. 22 yanvar
"Mirakl" sport majmuasi. Antaliya
"Olmaliq" - "Sibir" 3:0
Gollar: Altimurot Annadurdiev 42, Dilshod Jo'raev 45, Alibobo Rahmatullaev 55.
"Olmaliq": Akbar To'raev, Xurshid Muxtorov, Shavkat Mullajonov, Vladislav Kasminin, Momchilo Dulovich, Islom Inomov, Altimurot Annadurdiev, Dilshod Jo'raev, Igor Yelich, Alibobo Rahmatullaev, Zabihillo O'rinboev.
Zaxiradan maydonga tushganlar: Rahmatillo Berdimurodov, Abduqahhor Hojiakbarov, Muhammad Isaev, G'ulom-Haydar G'ulomov, Shohnazar Norbekov, Xurshid Xodjaev, Murod Rajabov, Viktor Klishin, Doniyor Usmonov, Azizbek Suyunov.
Hakam: Karim Karimov (Ozarbayjon)
— deya xabar beradi uff.uz nashri.