«Yuventus» klubi himoyachisi Dani Alves o'z faoliyatini Xitoyda davom ettirishi mumkin, deya xabar qilmoqda France Football nashri. 33 yoshli futbolchi xizmatlariga Xitoyning «Xebey Chayna Forchun», «Tyantszin Tsyuantszyan» va «Shanxay SIPG» jamoalari qiziqmoqda. Hamyurtimiz Odil Ahmedovning jamoasi braziliyalik himoyachiga asosiy da'vogar bo'lib turibdi. Xabarda aytilishicha, shanxayliklar Alves uchun yiliga 10 mln evro maosh to'lashga tayyorlar. Yaqinda jarohatidan tuzalgan Alves «Yuventus»da o'yin amaliyotisiz qolmoqda, uning «keksa sinora» bilan amaldagi shartnomasi 2018 yilning yoziga qadar mo'ljallangan.
— deya xabar beradi uff.uz nashri.