Nazorat uchrashuvi “So'g'diyona” – “Qo'qon-1912” – 2:0 (0:0) Gollar: Izzatilla Abdullaev, Akmal Abdurahmonov “So'g'diyona”: Muzaffar Abdullaev, Elyor Orifov, Azamat Isroilov, Ulug'bek Xudoyberdiev, Sardor Eminov, Sarvar Jo'raev, Doston Abduraxmonov, Suxrob Qobilov, Rabbim Hasanov, Sanjar Rashidov, Ixtiyor Toshpo'latov. Zaxiradan tushganlar: Sarvar Karimov, Rustam A'zamov, Izzatilla  Abdullaev, Omonjon Halilov, Akmal Abdurahmonov, G'ulom O'runov, Sunnatilla Mamadaliev, Qahramon Baxodirov, Berumiy Abdunabiev, Orifxo'ja Abduxoliqov “Qo'qon-1912”: Aziz Ashurov, Jalil Kimsanov, Darko Gojkovich, Nikola Valentich, Suhrob Berdiev, Jamshid Hasanov,  Bahodir Akramov, Oybek Rustamov, Javohir Sidiqov, Muhammadanas Hasanov, Nosir Otaqo'ziev. Zaxiradan tushganlar: Nikita Ribkin, I.Abdullaev, Shohrux Xolmatov, Iqbol Malikjonov, Avazxon Mamatxo'jaev, Ibrohim Rahimov, Sobir  Hamidov, Orif Mamajonov, Andrey Sidorov, Islombek Karimov.   Avval xabar berib o'tganimizdek, jamoamizning Toshkentdagi yig'ini o'z poyoniga etdi. Yig'inning so'nggi kunida vakillarimiz Jizzaxning “So'g'diyona” klubiga qarshi nazorat uchrashuvini o'tkazishdi. O'yinda jizzaxliklar 2:0 hisobida g'alaba qozonishdi. Birinchi bo'limda har ikki jamoada hisobni ochish uchun qulay imkoniyatlar vujudga kelganiga qaramay, dastlabki 45 daqiqalikda gol kiritish hech kimga nasib etmadi. Ikkinchi bo'limni jamoalar bir qator o'zgarishlar bilan boshlashdi. Taym boshida Andrey Sidorov deyarli birga-bir vaziyatda gol urolmadi. Uning zarbasi to'g'ri darvozabonga bordi. Shundan keyin “So'g'diyona” futbolchilarni hisobni ochishdi. Izzatilla Abdullaevning zarbasidan so'ng to'p himoyasiga tegib, rikoshet holatida darvozamizdan joy oldi. Birozdan keyin Akmal Abruhmonov ikkinchi gol muallifi bo'ldi. Bu vaziyatda himoyachilarimiz o'yindan tashqari holat yaratishda xatoga yo'l qo'yishdi. Goldan keyin futbolchilarimiz hujumga zo'r berishdi. Ketma-ket ikki marta Orif Mamajonov to'pni Andrey Sidorovga yuqoridan oshirdi. Andreyning ikkita zarbasi ham darvoza ustuniga va to'siniga tegdi. Qolgan daqiqalarda hisobni o'zgartirish hech kimga nasib etmadi. Shu tariqa, ikkinchi yig'indagi so'nggi uchrashuvda ham mag'lubiyaga uchradik.
— deya xabar beradi uff.uz nashri.