Qadrli futbol ishqibozlari «InterFUTBOL» gazetasining payshanba sonida bir-biridan qiziqarli maqolalarni mutoala qilishingiz mumkin. Esklyuziv materiallar, tahlil va suhbatlar  ham sizni befarq qoldirmaydi degan umiddamiz. Demak, gazetamizning bugungi sonida nimalarni o'qish mumkin? - Natijasizlik nihoyasi yoxud Istominning ibratli irodasi Imkoniyatlarni yuzaga chiqarish, eng avvalo, qat'iyat va ulug'vor maqsadlar uyg'unligidan boshlanadi. Murabbiy va iste'dodning yuksak g'alabalardagi o'rni hech qachon inkor etilmaydi. Ammo iste'dodli sportchida qat'iyat va katta orzu-maqsadlar bo'lmasa, unga eng mahoratli murabbiy ham ta'sir o'tkazishi qiyin... - Temur Kapadze: «Kurashlarga tayyorman» «Temiryo'lchilar» BAA safaridan qaytib kelishgach, muxbirimiz  jamoaning eng tajribali futbolchisi Temur Kapadzeni suhbatga tortdi. - O'zimizning osiyodan qo'ymasin – 2 Gazetamizda avvalroq berilgan «O'zimizning Osiyodan qo'ymasin» maqolasi futbolchilarimizga yoqib tushgan ko'rinadi. Mana, «Lokomotiv» yanvar oyi boshidayoq 3 nafar a'zosini xorijga «uchirma» qildi. Tez orada «Paxtakor» va «Bunyodkor» futbolchilariga bog'liq yangiliklarni ham eshitsak, ajabmas... - Chempion chetlatilsaya 2016 yilgi Osiyo Chempionlar ligasining g'olibi - «Chonbuk Xyunday Motors» o'z unvonini himoya qilish vakolatidan mahrum etildi. Chunonchi, Osiyo futbol konfederatsiyasi 18 yanvar kuni Janubiy Koreyaning ushbu klubini musobaqadan chetlatish haqida qaror chiqardi. Sababi shuki, Shimoliy Cheola muzofoti sharafini himoya qiluvchi jamoaning kelishilgan o'yinlarga aralashgani isbotlandi. Avvalroq «Chonbuk» vakillarining 2013 va 2014 yillar davomida koreyalik hakamlarga pora berish orqali kerakli natijani ta'minlashgani haqida xabarlar tarqalgandi. «Chonbuk» diskalifikatsiyadan tashqari, 100 mln. vona (90857 dollar) miqdorida jarimaga ham tortildi... - No''mon Hasanov: «Tarkibga o'zim ko'rishni xohlagan futbolchilarni to'pladim» Oliy liganing barcha jamoalari qatori «Qo'qon-1912» ham yangi mavsum tadorigiga zo'r bergan. No''mon Hasanov shogirdlari o'z yig'inlarini Toshkentda tashkil etib, bir nechta o'rtoqlik uchrashuvlari o'tkazishga ham ulgurishdi. Ertaga jamoa Qo'qonga qaytib, an'anaviy tarzda o'tkaziladigan «Hokim kubogi» musobaqasida qatnashadi. Bu turnir orqali yangi mavsumga tayyorgarlik maromiga etkaziladi. Biz Toshkentdagi yig'in yakunida «Qo'qon-1912» jamoasi bosh murabbiyidan intervyu oldik. - Aleksandr Vostrikov: «O'zim istamagan holatda faoliyatimga yakun yasadim» Ikki yil avval o'yinchilik faoliyatini yakunlagan Sasha bugungi kunda oilasi bilan birga Rossiyaning Lipetsk shahrida istiqomat qilyapti. Vostrikov 19ta gol bilan «Olmaliq» tarixidagi merganlar ro'yxatida uchinchi o'rinni egallab turibdi.Biz Vostrikov bilan bog'lanib, undan intervyu oldik. - «Buyuk devor» ortida O'zbek futbolida shakllangan bir an'ana bor, ammo uning yaxshi yoki yomonligini aniq ayta olmaymiz. Jurnalistlardan tortib murabbiy va futbolchilargacha bir gapni ko'p aytishadi - O'zbekiston terma jamoasi Osiyoda to'rtinchi o'rinda turadi... - Plyus tomoni ko'p Hozir ko'plab muxlislarimiz Odil Ahmedovning Xitoy chempionati ishtirokchisi - «Shanxay SIPG» klubiga o'tganini alohida muhokama qilmoqdalar. Bu albatta, ko'rib chiqish va atroflicha tahlil etishga arzirli mavzu. Axir gap  milliy jamoamiz etakchi futbolchisi haqida ketyapti... - Yigitlar, bu – iste'dod «A» SERIYaSI. MAVSUM-2016|2017ning BIRINChI QISMIDA KO'ZGA TAShLANGAN ENG YaXShI FUTBOLChILAR. - Ikkinchi bundesliga ham chakki emas GERMANIYa FUBOLINING IKKINChI DIVIZIONIDA O'YNAYoTGAN MAShHURLAR. - Tomas Tuxel: «Menimcha, JCh me'yorini buzishdi» Dortmundning «Borussiya» klubi ustozi Tomas Tuxel yaqinda ESPN nashriga katta intervyu berdi. Nemis futbolidagi eng istiqbolli mutaxassislardan biri sifatida e'tirof etilayotgan izlanuvchan murabbiy suhbat davomida asosan o'z jamoasidagi holat va sobiq shogirdlari haqida gapirdi. U shuningdek, jahon chempionati ishtirokchilari sonini oshirish xususida qabul qilingan qarorga ham shaxsiy munosabatini bildirdi. - Pasport telefonga aylanganida… Ba'zida shunday holatlar uchraydiki, futbolchi va murabbiylar imkon qadar o'zlarini OAVdan olib qochishadi. Buning sabablari turli-tuman: kutilmagan mag'lubiyat, tushkun kayfiyat, yolg'iz qolish xohishi va hokazo. Qizig'i shundaki, ayrim uddaburolar jurnalistlar qurshovidan antiqa usullar yordamida chiqib ketishadi. Quyidagi maqola ana shunday qiziqarli vaziyatlar haqida. - Aynan «Barsa»»ga mos Savol: yaqin kelajakda kim «Barselona» etakchisiga aylanishi mumkin? Bu ko'pchilikni qiziqtirishi tabiiy. Jumladan, FootballHD.ru sayti ham ayni savol ustida bosh qotirib ko'rdi. Gap 22 yoshdan kichik o'yinchilar haqida bormoqda. Demak, har ehtimolga qarshi, ayrim yigitlar bilan birrov tanishib qo'yamiz. - O'g'il otaga tortadi, albatta Mana, mashhur Patrik Klyuyvertning o'g'li «Ayaks» safida o'z debyutini nishonladi, Diego Simeonening zurriyodi - Jovanni esa allaqachon «Jenoa» uchun biri-biridan muhim gollar urishni boshladi. Madridning «Real» klubida Zayniddin Zidanning butun boshli oilasi shug'ullanmoqda. Soccer.ru sayti Jastin Klyuyvert debyuti munosabati bilan mashhur futbolchilarning mashhurlikka intilayotgan farzandlariga yana bir bora e'tibor burdi. - Aslida ular qarindosh Futbol olami juda keng qaysidir ma'noda. Misol uchun, aka-uka Kevin-Prins va Jerom Boatenglarni olaylik. Ularning biri Gana termasi sharafini himoya qilsa, ikkinchisi nemislar milliy jamoasi uchun jon kuydiradi. Buni ko'pchilik biladi. Ammo futbol dunyosida yana bir qator mashhur qarindoshlar borki, ularning yaqin rishtalari hammaga ham ma'lum emas. - Andrea Pirlo: «O'zimga zarurini AQShda topdim» «Maestro» - bu ta'rif futbol olamida asosan aqlga tayanib o'ynagancha yuksaklikka ko'tarilgan italiyalik faxriy - Andrea Pirloga nisbatan qo'llaniladi. U yaqinda La Repubblica nashriga maxsus intervyu berishga ko'ndi va Italiya futboli istiqboli xususida fikr bildirishdan tashqari, kelajak rejalarini oshkor qildi. Umuman, «Maestro» suhbat davomida ko'plab mavzularga «tegindi». Maktubingizni oldik: ijara kelishuvidan maqsad nima? Yangi mavsumni ham bir qator futbolchilarimiz xorij chempionatlarida boshlaydigan bo'lishdi. Bu holat shubhasiz, yaxshi - vakillarimizda mahorat oshadi. Asosiysi, legionerlar safi kengayishidan terma jamoamiz manfaatdor. Shuningdek, bizda ijara kelishuvlari ko'p. Aslida bu ham yomon emas. Biroq masalaning bir tomoni kishini o'ylantiradi... Hamisha birga bo'laylik, azizlar!!!
— deya xabar beradi uff.uz nashri.