“Arsenal” klubi himoyachisi Gabriel Paulista “Bavariya”ga qarshi kechadigan Chempionlar ligasining 4-tur uchrashuvi oldidan o'z fikrlarini bildirdi.
“Biz ikki mag'lubiyatdan so'ng kuchli raqibni yutib, yana kurashga qaytdik. “Bavariya” ustidan erishilgan g'alaba futbolda har narsa bo'lishi mumkinligidan dalolat beradi.
Safar o'yinida hammasi boshqacha bo'ladi. Bu butun o'yin himoyalanishimizga to'g'ri kelishini anglatmaydi.
“Arsenal” – kuchli jamoa va biz hujum qilishimiz kerak, chunki bizni faqat g'alaba qanoatlantiradi.
Ammo, hujumlarni aql bilan tashkillashtirish kerak. Chunki, “Bavariya” qarshi hujumda kuchli. Vaziyat shundoq ham biz uchun juda og'ir”, – dedi Paulista.
— deya xabar beradi uff.uz nashri.