O'tgan yilgi transferlar bozorida bir qator shov-shuvli kelishuvlar amalga oshirildi. To'g'ri, hozirga kelib Xitoy klublari aql bovar qilmas mablag'lar evaziga nomi chiqqan o'yinchilarni o'z saflariga jalb etib, butun dunyoni o'zlariga qaratib kelishayapti. Biroq, shunga qaramay, ko'hna qit'ada amalga oshirilgan futbolchilar oldi-sottisi baribir Osiyodagidan ancha yuqori turadi. Ular orasidagi bir qator muvaffaqiyatli bitimlar ayrim jamoalarga o'z tarkiblarini kuchaytirib olishga yordam berdi. O'sha transferlardan o'nta eng yaxshilarini saralab olgan holda e'tiboringizga havola etamiz. 10. Erik Beyi «Vilyarreal»dan «Manchester Yunayted»ga (35 million evro) Ayrim nomdor o'yinchilardan farqli ularoq Beyi katta muvaffaqiyatlarga ega emas. Ammo bu tirishqoq markaziy himoyachining iste'dodiga to'g'ri baho berish uchun «MYu» selektsionerlariga bir mavsumning o'zi etarli bo'ldi. Ivuarlik futbolchi APLning dastlabki turlaridanoq ishonchli o'yin o'tkazib asosiy tarkibda o'ynashga munosibligini ko'rsatdi. Aynan Beyi ko'p o'tmay mankunianlarning etakchi himoyachisiga aylandi, shuning uchun «Chelsi»ga qarshi uchrashuvdagi jarohat Joze Mourinoga qo'shimcha bosh og'riq bo'ldi. Beyi tez orada tuzalib, asosiy tarkibdagi o'rnini qaytarib olsa ajab emas. Ustiga ustak, u endigina 22 yoshni qarshiladi, shuning uchun aytish mumkinki, «Yunayted» kelajak masalasini a'lo darajada hal qildi. 9.Sadio Mane «Sautgempton»dan «Liverpul»ga (46,5 million evro) Mana bir necha yildan beri «Sautgempton» o'yinchilar etkazib berish borasida «Liaerpul» uchun asosiy xazina bo'lib kelmoqda. Oxirgi paytlarda «avliyo»lar safidan Nataniel Klayn, Deyan Lovren, Adam Lallana va Riki Lambert kabi o'yinchilar «Enfild»ga yo'l olishdi. O'tgan yozda esa «Liverpul» Sadio Mane uchun 45 million evro to'lab, «Sautgempton» tarixidagi eng yirik transferni amalga oshirdi. Senegallik legioner birinchi o'yinlardanoq o'zi uchun to'langan mablag'ni oqlashga tushdi. Uning tezligi, texnikasi, qudrati va hech narsadan qaytmasligi hammani hayratga soldi. Mane mavsum boshida chindan ham ajoyib o'yin ko'rsatib, xarajat qilingan summani unutishga majbur qila oldi. 8. Shkodran Mustafi «Valensiya»dan «Arsenal»ga (41 million evro) Ushbu qimmatbaho markaziy himoyachi APL uchun 2016 yilning yozgi transfer bozorida haqiqiy trendga aylandi. Uzoq yillardan so'ng birinchi chempionlik orzusida yurgan «Arsenal», bu maqsadi yo'lida «Valensiya»ga markaziy himoyachi evaziga 40 million evro to'lashdan ham cho'chimadi. Nemis futbolchisi kelganidan keyin London klubi himoyada yaxshi o'ynay boshladi. Shkodran maydonda bo'lgan paytda «kanonir»lar biror marta ham yutqazishmagan va 14ta turda 14ta to'p o'tkazib yuborishdi. Bu borada faqat «Tottenxem» va «Chelsi» o'z hamshahridan oldinda borishardi. Boz ustiga, Mustafi asta-astalik bilan maydonda va echinish xonasida etakchiga aylanib bordi. Bu Venger uchun ijobiy holat edi, chunki Fabregas ketganidan so'ng murabbiy haqiqiy etakchini topolmay kelayotgandi. 7. Fernando «Sampdoriya»dan «Spartak»ga (12 million evro) Yarim himoya markazini kuchaytirish maqsadida yurgan «Spartak» o'z tanlovini «Sampdoriya» yarim himoyachisi Fernandoda to'xtatdi. «Otkro'tie arena»da bo'lib o'tgan taqdimot marosimiga kelganida unga ko'pchilik professional futbolchi sifatida qaramadi. Biroq atigi bir necha hafta ichida Fernando o'z mavqesini qaytardi hamda maydon markazida jamoaning etakchi figurasiga aylandi. Braziliyalik legioner markazda Glushakov bilan juda yaxshi til topishib ketdi va bu o'z navbatida «Spartak»ga RFPL baxslarining 80  foizida maydon markazini nazorat qilish imkonini berib kelayapti. Davomi Interfutbol.uz saytida.
— deya xabar beradi uff.uz nashri.