"Selta" bosh murabbiyi Eduardo Beritstso Kubok chorak finali javob o'yinida "Real"ni favorit deb atadi. Eslatib o'tamiz, bu jamoalar o'rtasida Madridda bo'lgan o'yinda "Selta" 2:1 hisobida g'alaba qozongan edi.
"Bizda o'yin uchun aniq reja bor. Mening futbolchilarim raqibni imkon qadar o'z darvozasi qarshisida to'psiz qoldirishi lozim. Ba'zan raqib bunga yo'l qo'ymaydi.
Biz raqib va maydonga qarab o'yin taktikasini o'zgartirmaymiz. Tabiiyki "Real" g'alaba qozonishga harakat qiladi. Ular bu o'yinda favorit, biz kimga qarshi to'p surishimizni yaxshi bilamiz", - deydi Beritstso.
Eslatib o'tamiz, "Selta" - "Real" bahsi bugun bo'lib o'tadi.
— deya xabar beradi uff.uz nashri.