"Manchester Yunayted" rahbariyati "Old Trafford" stadionida muxlislar sig'imini yana 12 ming o'ringa oshirmoqchi.
Xabar qilinishicha, Bobbi Charltonga atab nomlangan tribunada asosiy o'zgarish bo'ladi va qo'shimcha 7500 o'rin qo'shiladi. Shu tariqa  "Old Trafford"da muxlislar soni 88 mingga etkazilishi mumkin. Bu borada birinchi o'rin "Kamp Nou"ga tegishli. "Barselona" stadionida bir vaqtning o'zida 99 354 muxlis o'yin tomosha qilishi mumkin. "Old Trafford" qayta qurishdan so'ng ikkinchi o'ringa ko'tarilishi mumkin.
Ayni vaqtda esa ikkinchi o'rin "Real" stadioni "Santyago Bernabeu"ga tegishli. Madriddagi o'yingohga 85 454 kishi joylashishi mumkin.
Eslatib o'tamiz, Londondagi "Uembli" stadionida 90 ming muxlis o'yin tomosha qilishi mumkin, biroq bu o'yingohda faqat terma jamoa o'yinlari o'tkaziladi.
— deya xabar beradi uff.uz nashri.