Frantsiyaning Andrezyo-Buteon shahrida tennis bo'yicha sovrin jamg'armasi 60 000 AQSh dollarini tashkil qiluvchi turnir davom etmoqda.
Mazkur musobaqada hamyurtimiz Oqgul Omonmurodova ham o'z imkoniyatini sinovdan o'tkazyapti. Tajribali tennischimiz turnirning asosiy to'riga imtiyozli yo'llanma asosida qo'yilgan va ilk davrada g'alabaga erishgandi.
Hamyurtimiz musobaqaning juftliklar bahsida ham zafar quchib, chorak finalga yo'llanma oldi. Omonmurodova gruziyalik Ekaterina Gorgodze bilan juftlikda frantsiyalik Manon Arkangioli va shveytsariyalik Amra Sadikovich tandemini 6:3, 7:6(11) hisobida taslim etdi.
Manba: olamsport.com
— deya xabar beradi uff.uz nashri.