Birinchi raqamli individual sovrin - «Oltin to'p» sohiblari haqida hikoya qilishda davom etamiz. Avvalgi maqolalarimiz kirish qismida laureatlarni mamlakatlar va klublar bo'yicha «taqsimlab» chiqqandik. Bugun esa ularni ligalarga ajratib chiqamiz. Zero, qaysi chempionat vakillari ko'proq sovrin yutishgani ham ko'pchilikni qiziqtiradi, albatta. Gazetamizning avvalgi seshanba kungi sonida France Football mukofoti 21ta klub a'zosiga nasib etgani haqida ma'lumot bergan edik. Xo'sh, bu jamoalar qaysi ligalar ishtirokchilari? Umuman, «Oltin to'p» yutish masalasida APL oldindami yoki primero? Ispaniya ligasi-da. Zero, «Real» va «Barselona» klublari o'z chempionatlari hisobini jami 19,5ta «Oltin to'p» bilan to'ldirishga ulgurishdi. Shu joyda yana alohida e'tibor qaratish joiz, ayrim futbolchilar sovrin yutgan mavsum 2ta ligada o'ynashgan va bu chempionatlar hisobiga «0,5» ko'rinishida yozilgan. E'tiborlisi, APL bu reytingda hattoki, «A» seriyasi va bundesligadan ham orqada. Yaxlit holda aytsak, so'rovning 61 yillik tarixida sovrin atigi 10 liga vakillariga nasib etgan, xolos. «Oltin to'p»ning chempionatlar o'rtasidagi taqsimoti: 1. Ispaniya La-ligasi - 19,5ta («Barselona»: Luis Suares - 1ta, Yoxan Kroyff - 2ta, Xristo Stoichkov -1ta, Rivaldo -1ta, Luish Figu - 0,5ta, yangi mavsum, Ronaldino - 1ta, Lionel Messi - 5ta; «Real»: Alfredo di Stefano - 2ta, Raymon Kopa - 1ta, Ronaldo - 1ta, Luish Figu - 0,5ta, yarim mavsum, Fabio Kannavaro - 0,5ta, yarim mavsum, Krishtianu Ronaldu - 3ta) 2. Italiya «A» seriyasi - 17,5ta («Yuventus»: Omar Sivori - 1ta, Paolo Rossi - 1ta, Mishel Platini - 3ta, Roberto Badjo - 1ta, Zayniddin Zidan - 1ta, Pavel Nedved - 1ta, Fabio Kannavaro - 0,5ta; «Milan»: Janni Rivera - 1ta, Ruud Gullit - 0,5ta, yarim mavsum, Marko van Basten - 3ta, Jorj Vea - 0,5ta, yarim mavsum, Andrey Shevchenko - 1ta, Kaka - 1ta; «Inter»:  Lotar Matteus - 1ta, Ronaldo -1ta) 3. Germaniya bundesligasi - 9ta («Bavariya»: Gerd Myuller - 1ta, Frants Bekkenbauer - 2ta, Karl-Xaynts Rummenigge - 2ta; «Gamburg»: Kevin Kigan - 2ta; «Borussiya» M.: Alan Simonsen - 1ta; «Borussiya» D.: Mattias Zammer - 1ta) 4. Angliya premer-ligasi - 6ta («Manchester Yunayted»: Denis Lou -1ta, Bobbi Charlton -1ta, Jorj Best - 1ta, Krishtianu Ronaldu -1ta; «Blekpul»: Stenli Metyuz -1ta; «Liverpul»: Maykl Ouen -1ta) 5. Sobiq ittifoq oliy ligasi - 3ta («Dinamo» K.: Oleg Bloxin - 1ta, Igor Belanov - 1ta; «Dinamo» M.: Lev Yashin -1ta) 6-7. Gollandiya eredivizioni - 1,5ta («Ayaks»: Yoxan Kroyff - 1ta; PSV: Ruud Gullit -0,5ta, yarim mavsum) 6-7. Frantsiya oliy divizioni - 1,5ta («Marsel»: Jan-Per Papen - 1ta; «PSJ»: Jorj Vea - 0,5ta, yarim mavsum) 8-10. Chexoslovakiya oliy divizioni - 1ta («Dukla»: Yozef Masopust - 1ta) 8-10.  Portugaliya primerosi - 1ta («Benfika»: Eysebio - 1ta) 8-10. Vengriya oliy ligasi - 1ta («Ferentsvarosh»: Florian Albert - 1ta) Endi 1987 yildan keyingi laureatlar natijalari bilan tanishishingiz mumkin. 1987 yil - Ruud GULLIT (Gollandiya). PSV|«Milan» hujumchisi. 1962 yilning 1 sentyabrida Amsterdam (Gollandiya)da tug'ilgan.Sovrinlari: Gollandiya chempioni (1984, 1986, 1987); Italiya chempioni (1988, 1992, 1993); Gollandiya kubogi (1984); Italiya kubogi (1994); Italiya superkubogi (1992, 1994); Evropa Chempionlar kubogi (1989, 1990); Evropa superkubogi (1990); Qit'alararo kubok (1990); Evropa chempioni (1988); Gollandiyaning eng yaxshi futbolchisi (1984, 1986) 1988, 1989 va 1992 yillar - Marko van BASTEN (Gollandiya). «Milan» hujumchisi. 1964 yilning 31 oktyabrida Utrext (Gollandiya)da tug'ilgan. Sovrinlari: Gollandiya chempioni (1982, 1983, 1985); Italiya chempioni (1988, 1992, 1993); Gollandiya kubogi (1983, 1986, 1987); Italiya superkubogi (1992, 1994); Evropa Chempionlar kubogi (1989, 1990); Kubok egalari kubogi (1987); Evropa superkubogi (1989, 1990); Qit'alararo kubok (1989, 1990); Evropa chempioni (1988); Gollandiyaning eng yaxshi futbolchisi (1985); FIFA talqinida jahonning eng yaxshi futbolchisi (1992); Evropa chempionatining eng yaxshi to'purari (1988); Gollandiya chempionatining eng yaxshi to'purari (1984-1987); Italiya chempionatining eng yaxshi to'purari (1990, 1992); «Oltin butsa» laureati (1985) 1990 yil - Lotar MATTEUS (GFR). «Inter» yarim himoyachisi. 1961 yilning 21 martida Gertsogenauerax (GFR|Germaniya)da tug'ilgan.Sovrinlari: Germaniya chempioni (1985-1987, 1994, 1997, 1999); Italiya chempioni (1989); Germaniya kubogi (1986, 1998); Germaniya Liga kubogi (1997-1999); Germaniya superkubogi (1987); UEFA kubogi (1991, 1996); Evropa chempioni (1980); jahon chempioni (1990); Germaniyaning eng yaxshi futbolchisi (1990, 1999); FIFA talqinida jahonning eng yaxshi futbolchisi (1991) 1991 yil - Jan-Per PAPEN (Frantsiya). «Marsel» hujumchisi. 1963 yilning 5 noyabrida  Bulon-syur-Mer- (Frantsiya)da tug'ilgan.Sovrinlari: Frantsiya chempioni (1989-1992); Italiya chempioni (1993, 1994); Belgiya kubogi (1986); Frantsiya kubogi (1989); Italiya superkubogi (1992); UEFA kubogi (1996); Frantsiyaning eng yaxshi futbolchisi (1989, 1991); Frantsiya chempionatining eng yaxshi to'purari (1989-1992) 1993 yil - Roberto BADJO (Italiya). «Yuventus» yarim himoyachisi. 1967 yilning 18 fevralida Kaldono- (Italiya)da tug'ilgan.Sovrinlari: Italiya chempioni (1995, 1996); UEFA kubogi (1993); FIFA talqinida jahonning eng yaxshi futbolchisi (1993) 1994 yil - Xristo STOIChKOV (Bolgariya). «Barselona» hujumchisi. 1966 yilning 8 fevralida Plovdiv- (Bolgariya)da tug'ilgan.Sovrinlari: Bolgariya chempioni (1987, 1989, 1990); Ispaniya chempioni (1991-1994, 1998); Bolgariya kubogi (1987-1989); Ispaniya kubogi (1997); Bolgariya superkubogi (1989); Ispaniya superkubogi (1991, 1992, 1994, 1996); Evropa Chempionlar kubogi (1992); Kubok egalari kubogi (1997); Evropa superkubogi (1992, 1997); Osiyo Chempionlar kubogi (1998); jahon chempionatining eng yaxshi to'purari (1994); Bolgariya chempionatining eng yaxshi to'purari (1989, 1990); «Oltin butsa» laureati (1990) 1995 yil - Jorj VEA (Liberiya). «PSJ»|«Milan» hujumchisi. 1966 yilning 1 oktyabrida Monroviya (Liberiya)da tug'ilgan.Sovrinlari: Liberiya chempioni (1987); Kamerun chempioni (1988); Frantsiya chempioni (1994); Italiya chempioni (1996, 1999); Frantsiya kubogi (1991, 1993, 1995); Angliya kubogi (2000); Frantsiya Liga kubogi (1995); Italiya superkubogi (1996); Afrikaning eng yaxshi futbolchisi (1989, 1994); FIFA talqinida jahonning eng yaxshi futbolchisi (1995) 1996 yil - Mattias ZAMMER (Germaniya). «Borussiya» (Dortmund) himoyachisi. 1967 yilning 5 sentyabrida Drezden (GDR|Germaniya)da tug'ilgan. Sovrinlari: GDR chempio­ni (1989, 1990); Germaniya chempioni (1992, 1995, 1996); GDR kubogi (1990); Germaniya superkubogi (1995, 1996); Evropa Chempionlar kubogi (1997); Evropa chempioni (1996) Davomi Interfutbol.uz saytida.
— deya xabar beradi uff.uz nashri.