Mana hash-pash deguncha 2017 yilning birinchi oyi ham o'z yakuniga etib bormoqda. Ayni damda mamlakatimizda faoliyat yuritayotgan futbol klublari yangi mavsumga tayyorgarlikni davom ettirishmoqda.
Futbol muxlislari uchun esa haqiqiy bayram boshlandi. Bugundan har yili an'anaviy tarzda o'tkazilib kelinadigan “Viloyat Hokimi Kubogi-2017” musobaqasi start oladi. Farg'ona shahridagi bir qator stadionlarda bo'lib o'tadigan o'yinlar qiziqarli va keskin kurashlarga boy tarzda o'tishi shubhasiz.
Musobaqa tashkilotchilari Farg'ona viloyati hokimligi va viloyat futbol federatsiyasi sa'iy-harakati bilan musobaqa xalqaro maqomiga ega bo'lganini ta'kidlash joiz. Qirg'izistonning “Oloy” jamoasi musobaqada ishtirok etayotgani bois, “Viloyat Hokimi Kubogi-2017” ham xalqaro musobaqalar qatoridan o'rin oladigan bo'ldi.
Muxlislar ham turnirni sabrsizlik bilan kutishayotgani bor gap. Barcha ishqibozlarni o'yinlarga taklif etib qolamiz.
Bugungi o'yinlar anonsi bilan tanishing:
“A” guruhi
26 yanvar
O'z Dong Ju – Istiqlol     soat 14:30   Istiqlol stadioni
“S” guruhi
26 yanvar
Yozyovon lochinlari – Toshloq          soat 11:00   Neftchi SK stadioni
Barkamol avlod – Farovon             soat 14:30    Neftchi SK stadioni
“D” guruhi
26 yanvar
Tsementchi-2 – Qo'qon-1912-2             soat 11:00   FarDU SM
Mash'al-2 – FarDU                           soat 14:30   FarDU SM
O'z Tong Xong Ko – Sirdaryo yo.t.j    soat 11:00   Neftchi FM
O'yinlar o'tadigan stadionlar bilan tanishing: Farg'ona Davlat universitetiga qarashli sport sog'lomlashtirish majmuasi (FarDU SM, sobiq Markaziy o'yingoh), Qirgulidagi “Neftchi” sport majmuasi (Neftchi SK), “Neftchi” PFK qoshidagi futbol maktabi (Neftchi FM) hamda “Istiqlol” stadionidagi so'n'iy maydonlarda bo'lib o'tadi.
— deya xabar beradi uff.uz nashri.