«Manchester Yunayted» klubi Angliya Premer-Ligasi tashkillashtirilganidan buyon o'z tarkibiga bir qator kuchli futbolchilarni qo'shib olgan. Biz ana shu transferlar ichidagi eng yaxshi 5 tasini tuzishga harakat qildi.

5. Ruud van Nistelroy (PSVdan, 2001 yili, 19 mln.funt sterling)
2001 yili Nistelroy «Manchester Yunayted» rahbarlari bilan shartnoma imzolaydi. Ruudga ishqiboz bo'lgan «Real» rahbarlaridan «MYu» korcholonlari chaqqanroq harakat qilishadi va Ruudning yangi jamoa safiga o'tishi o'ziga xos rekord bilan yakunlanadi – bahosi 19 million funt sterlingni tashkil etadi. Van Nistelroy 5 yil mobaynida Angliya chempionligi va to'purarligini qo'lga kiritdi. «Yunayted» tarkibidagi 131-uchrashuvidayoq 100-golini nishonlashga muvaffaq bo'ladi. 2006 yili esa Bekxemga o'xshab Madridga yo'l oladi.

4. Ole Gunyar Sulsher («Molde»dan, 1996 yili, 1,5 mln. funt sterling)
«Manchester Yunayted» tarixidan o'rin olgan yana bir hujumchi. «Kulib turuvchi jallod» «iblislar»ning sehrli tayoqchasi edi. Zaxiradan maydonga tushib gol urishda unga teng keladigani yo'q edi. 1999 yilgi ChLning dramatik finalida esa ana shunday qahramonliklaridan birini ko'rsatib, muxlislarning suyukli futbolchisiga aylangandi. 3. Roy Kin («Nottingem Forest»dan 1993 yili, 3,75 mln.funt sterling)
«Forest»ning markaziy himoyachisi Aleks Fergyussonning telefon orqali ilgari surgan taklifini eshitib, Kenni Dalglishga «Blekbern» klubi safiga o'tishi haqida va'da berganini unutadi-qo'yadi. Roy «MYu» sen bilan ham, sensiz ham Angliyada baribir etakchi rolga chiqadi. Lekin sen bizga qo'shilsang, unda Evropada ham tengsiz bo'lishimiz mumkin», - deydi Fergi. To'g'ri, «iblislar» irlandiyalik bo'lajak sardoriga ega bo'lish uchun Britaniya futbolidagi transfer rekordini yangilashgacha borishdi – 3,75 mln. U vaqtlarda juda katta pul sanalardi. Kin o'z navbatida, bu pullarni bir necha barobar ortig'i bilan oqlaganiga shubha yo'q.
2. Krishtianu Ronaldu. («Sporting»dan 2003 yili, 12,2 mln.funt sterling)
2003 yilning yozida Portugaliya bo'ylab turnega chiqqan «MYu» ortga Ronaldu bilan qaytadi. O'rtoqlik o'yinida Krishtianu shu qadar kuchli taassurot qoldirdiki, Giggz, Skoulz va boshqa faxriylar Fergyussonni uni sotib olishga ko'ndirishdi. «Sporting» yosh futbolchisi evaziga «MYu»dan yaxshigina pul undiradi. Ronaldu besh yil davomida «MYu»ning turli darajadagi yutuqlarni qo'lga kiritishida asosiy rollardan birini o'ynadi. «Oltin to'p» va «Oltin butsa» sovrinlarini qo'lga kiritdi. Qo'shimchasiga «Real»ga o'tayotib, «iblislar» xazinasini deyarli to'ldirdi. Ya'ni uning xarid qilingan va sotilgan summasi o'rtasida 67 million faqr bo'ldi. Davomi Furqat Yusupov blogida.
— deya xabar beradi uff.uz nashri.