Angliya Liga Kubogi yarim final javob bahsidan o'rin olgan «Xall Siti» – «Manchester Yunayted» uchrashuvi o'z nihoyasiga etdi. Unda «Xall Siti» maydoniga safar qilgan manchesterliklar mag'lubiyatga uchradilar, biroq ikki o'yin natijasiga ko'ra finalga yo'l oldilar. Uchrashuvning 35-daqiqasida mezbonlar vakili Xaddlstoun penaltini aniq bajardi va jamoasini oldinga olib chiqdi. 66-daqiqada Pol Pogba muvozanatni tiklagan bo'lsa, 85-daqiqaga kelib Nyasse «Xall»ni yana hisobda oldinga olib chiqdi. Shu tariqa, ikki o'yin natijasiga ko'ra «Manchester Yunayted» final masalasini xal qildi va u erda «Sautgempton» bilan kuch sinashadi. Angliya Liga Kubogi. Yarim final, javob uchrashuvi Xall – Manchester Yunayted 2:1 (1:0, 1:1)   Gollar: 1:0 – 35, penalti Xaddlstoun, 1:1 – 66 Pogba, 2:1 – 85 Nyasse. Xall – Marshall, Douson, Maguayr, Taymon, Meyler, Melouni (Evandro, 64), Xaddlstoun, Klukas, Nyasse, Diomande (Ernandes, 70), Bouen (Markovich, 59). Manchester Yunayted – De Xea, Jons, Roxo, Darmian, Smolling, Lingard (Runi, 79), Kerrik, Errera, Pogba, Reshford (Fellayni, 90), Ibrahimovich. Ogohlantirishlar: Jons (11), Roxo (87). Ilk uchrashuv: 0:2
— deya xabar beradi uff.uz nashri.