Myunxenning "Bavariya" klubi himoyachisi David Alaba yarim himoyachi Mario Gyottse haqida tanqidiy fikr bildirayotganlarga qarshi chiqdi.
"Gyottse gol urgan va golli uzatmalarni amalga oshirgan vaqtlarni hamma ko'rgan. U hozir ham "Borussiya"da xuddi shunday o'yin namoyish qilmoqda.
Mario har doim mashg'ulotga birinchilardan bo'lib kelardi. U har doim o'z ustida astoydil ishlagan", - deydi Alaba.
Eslatib o'tamiz, Mario Gyottse 2013 yilda "Borussiya"dan "Bavariya"ga o'tgan edi. Ammo myunxenliklar safida o'ynab keta olmagach, joriy mavsum boshlanishi oldidan yana "Borussiya"ga qaytgan.
U joriy mavsum Germaniya chempionatida 10 ta o'yinda maydonga tushdi va bitta gol urib, bitta golli uzatmani amalga oshirdi.
— deya xabar beradi uff.uz nashri.