Qatar Yulduzlar Ligasi 18-turida O'zbekiston terma jamoasi a'zosi Sardor Rashidov to'p tepayotgan “Al-Jaish” safarda “Umm-Salal” mehmoni bo'ldi. Teng kurashlar ostida o'tgan o'yinda 1:1 hisobidagi durang qayd etildi. Uchrashuvning 36-daqiqasida mezbonlar vakili Xilol Muhammad hisobni ochgan bo'lsa, 61-daqiqada Ilyos hisobni tenglashtirdi. 70-daqiqadan boshlab “Al-Jaish” bir kishi ko'p bo'lib harakat qildi, ammo bu vaqt ichida hisobni o'zgartirishga erisha olmadi. Mazkur uchrashuvda Sardor Rashidov 90 daqiqa to'liq o'ynadi. Mazkur turdan keyin “Al-Jaish” ochkolari sonini 35 taga etkazib, uchinchi o'rinda qoldi. Ammo “Al-Rayyan” bitta kam o'yin o'tkazgan holda 34 ochko bilan to'rtinchi o'rinda bormoqda.
— deya xabar beradi uff.uz nashri.