«Vilyarreal» klubi bosh murabbiyi Fran Eskriba jamoa hujumchisi Aleshandre Patoning qishki transfer vaqtida klubni tark etish ehtimoli borligini aytib o'tdi. Mutaxassisning so'zlariga qaraganda, 27 yoshli futbolchi borasida jamoa va hujumchi uchun foydali bo'lgan qiziqarli takliflar bor. Sport.es nashrining xabar berishicha, Pato Xitoyning «Tyantszin Tsyuantszyan» klubiga o'tishi mumkin. Shuningdek, «Vilyarreal» Patoning o'rini bosish uchun «Espanol» hujumchisi Felipe Kaysedoni sotib olishni mo'ljallagan. Ispaniya chempionatining ushbu mavsumida Pato jamoasining 14 o'yinida maydonga tushib, ikki gol va bitta golli uzatmaga mualliflik qilgan.
— deya xabar beradi uff.uz nashri.